وفاة السيدة زينب عليها السلام
جرحتوا گلبي المجروح يالجيتوا توجهوني | ||
ذكّرتوني ابلحسين ياللي اتغمضوا اعيوني | ||
خلوني أموت ابهون لا اتهيجون مكنوني | ||
خلوني أموت ابهون لا اتذكروني المظلوم | ||
لا اتسبلون رجليني ولا اتمدوا إليّه ايدين | ||
ترى امن اتمدوا ايديني ابتذكر اخويه احسين | ||
ناديت الشمر خلني أبا غمضه او بمد ليدين | ||
ضربني او بالنعل داسه او من نحره تفيض ادموم | ||
من نحره تفيض ادموم او هو يصرخ أنا عطشان | ||
سگني گطرة اميه ترى گلبي غدا لهفان | ||
حز نحره او گطع راسه او شال الراس فوگ اسنان | ||
دخلّوني أموت ابهون لا اتذكروني المظلوم | ||
او لمن شرّبوها الماي صنگت بيدها او صاحت | ||
يخويه الما شربت الماي اختك روحها راحت | ||
حسره اعليك يابن امي او أمك في الگبر صاحت | ||
اوفاضت روحها ابحسره او هي تبكي على المظلوم | ||
ماتت زينب ابحسره بعيده ابدار غربتها | ||
انطردت من حرم جدها زياده اعلى مصيبتها | ||
ياللي اتريدوا الجنه صلوا تحت گبتها | ||
او طلبوا المغفره امن الله او نوحوها ابدمع مسجوم |