حجاج كربلاء

حجاج كربلاء

احرامي بوادي كربلاء ويا الميامين
او حامي الظعينه اسقايته تقطع الكفين
او تعريفتي بوقف على التل او بنادى
واهلي ضحايا العيد واولهم اولادي
او جلسة العيد ابخيمة السجاد العليل
والنوق جابوها ولا عندي رجاجيل
يا كربلاء ضحيت معظمها ضحاياي
اوبنودعچ بدموعنا او صرخة يتاماي
باطوف باودع جسد شيخ العشيره
كيف الفكر والراي سفرتنا خطيره
هذا الحرم آمن لكل الناس يحسين
امعا السلامه امن البواچي عميت العين
حجاج بيت الله سفرهم فرح وسرور
خليتهم فوگ التراب ما عندهم اگبور
او بعد النسك حجاج ايروحوا للمدينه
وحنا ابوسط كوفان فرجه اعلى الظعينه
واعظم عليه شوفتي ابوابة الشام
او الحبال في حلقي اويحز ارقاب الايتام

اوبغتسل من فيض الدما من منحر احسين
او ينشطر راسه او ينكسر ظهر الشفيه
والذكر في المشعر بكاي ابقلب صادي
والروس مرفوعه ضحايا الغاضريه
اطفال او نسا حوله او على الرقبه زناجيل
وشيخ العشيره احسين بالرمضا رميه
واتقبلي مني اولوما شربو الماي
وشعارنا ابلرماح روس الهاشميه
او باقول للعباس ياصاحب الغيره
حگها السفر يا خوى من وصيت بيه
وحنا ابحجتنا يضربون النساوين
أختك على العجف يودوها سبيه
وانا ابنياحه اعلى ضحايا يوم عاشور
شماته او شتم واسياط تتلوى عليه
ايزوروا النبي المختار والزهرا الحزينه
والمجلس ابن ازياد ودونا هديه
ذل او شماته او غدر من جور الايام
وينك يحامي الجار ما تحضر اليه

© 2016 كل الحقوق محفوظة لمؤسسة المصطفى للتحقيق والنشر

Scroll to top