أبو الفضل العباس

أبو الفضل العباس

زينب گصدت العباس
تبچي او تخفي الأنفاس
تگله بيك رفع الراس

يخويه اوعدت لسكينه

او طفلنا شابح ابعينه

انت الگمر والزينه

او تخلينا عطاشى اليوم

او ما تنزل تزلزلها

گلب الطفل صار ايفور
وانت اليوم لي مذخور
وانا ادري الماي لو معسور

عليه مية ألف عسكر

مهي گدك يبن حيدر

وانت البطل يمشكر

وانا زينب يبعد الروح

وامه الطفل مذهلها

گام البطل واتچنى
او گال الماي اجيبنّه
ولا اسمع منچ الونه

يزينب لخمد الأنفاس

تعرفيني أنا العباس

او لازم ترفعين الراس

او حگ المرتضى الكرار

الشريعه اليوم لنزلها

لو حگ امكسرة لضلاع
لومية ألف دراع
لخليها تظل بالگاع

هارايات للويها

وجيب الماي وسگيها

وطفالچ أنا ارويها

او كل الحرم والرضعان

يختي اليوم ادللها

خافه الجيش من سدر
ابو فاضل على العسكر
ابسيفه ظل يتبختر

هذا البطل من عدنان

من برزت له الشجعان

تهلل وجهه بالميدان

او خلاها ابضرب سيفه

تموج او تعفر ابذلها

سيفه الروس عزلها
كم فرسان جدلها
ابصوته اعداه زلزلها

عزرائيل سيفه صار

يبرگ يخطف الأبصار

امير الكفر ظل محتار

من شاف البطل عباس

صال ابها او جدلها

صب الموت بالعدوان
مرعد معبس او غضبان
منه فرت الجيمان

هز السيف والرايه

گاصد للمسنايه

لف الألف والمايه

او بس هيس ابرد الماي

نفسه طلبته او ذلها

تذكر چبدة العطشان
ما يشرب وخوه ظمآن
او لنه امواعد الرضعان

أگبل على العدايه

او لف الألف والمايه

نور او نار حاميه

او تالي گطعوا ايدينه

او سهم بالعين سملها

صار ابوسطة الميدان
عليه التمت العدوان
فكر البطل ظل حيران

گطعوا منه اكفوفه

او منه الكبد ملهوفه

وعين البطل مكفوفه

والگربه سهم جاها

وعمود الهام ميلها

گطعوا منه كفينه
او صابه السهم في عينه
او خر بالعمد من حينه

مخه فاض بالهامه

أو گصد له احسين بحسامه

او تذكر خوة ايامه

او تحسر وانكسر ظهره

او دَمِعْة العين هلهلها

© 2016 كل الحقوق محفوظة لمؤسسة المصطفى للتحقيق والنشر

Scroll to top