آني أم لبنين

آني أم لبنين

آني ام البنين الفاقده اولاد                 آني الما اتهنى ابلقمة الزاد

والقاسيت لمصيبات لشداد                   آني أم لبنين آني أم لبنين

   آني ابكربلا راحو اولادي               فدوى احسين يا روحي اوفؤادي

الظل عطشان منه القلب صادي             آني أم لبنين آني أم لبنين

عباس القمر نور العشيره                  طب المشرعه ابحاله مريره

ظل عطشان ظامي في الظهيره              آني أم لبنين آني أم لبنين

اوليدي خاض مايات الشريعه              ايجيب الماي لطفال الوديعه

اوكبد احسين سوت به فجيعه                آني أم لبنين آني أم لبنين

ذب الماي من كفه اوتحسر               ظل عطشان شبلك يا غضنفر

من حال الأخو كلبه تفطر                    آني أم لبنين آني أم لبنين

آني ا م البنين ايقولوا الناس                آني ام البطل لعزيز عباس

القطعو اكفوفه اوصابو الراس                آني أم لبنين آني أم لبنين

شافه احسين مقطوعه اكفوفه              مضروب ابعمد داميه اكتوفه

ويلاه والسهم صابه ابخسوفه                آني أم لبنين آني أم لبنين

راد احسين شيله للمخيم                      كله يا لأخوا مقدر اتكلم

اشلون اعتذر لسكينه اوكلثم                آني أم لبنين وآني أم لبنين

 كول الهم سلامي من العباس          اوفاض الروح وانخمدت الأنفاس

اومن بعده صرت محزونه يا ناس            آني أم لبنين آني أم لبنين

أولادي البيهم أرفع الراس                جعفر عون عبد الله اوعباس

راحو والولي بالخيل ينداس             آني ام لبنين آني ام لبنين

© 2016 كل الحقوق محفوظة لمؤسسة المصطفى للتحقيق والنشر

Scroll to top