عريس او مزفوف بالغاضريه

يا جاسم يا عريس يا نور العين
تبكي او تنادي يالولد فدوى احسين
شمعة شبابك يالولد ضوّيها
متموت يبني احسين الك يحييها
عريس يبني او طارك لطم لصدور
واما الهلاهل صرختي للمگبور
وين ابو امحمد ما يحضر لزفافه
شمامة المسموم اوكلها اوصافه
وين الشباب اللي ايگوموا ابلعراس
متزبنون او ليدي واتجيبوا الباس
نادته زينب يا شهيد الاُمه
نادى يزينب أرد افرّح أُمه
زفوه يويلي او ما گعد يتهنا
عطني الإجازه يا الولي للجنه
واتودعوا منه او طلع گصده الگوم
ونال الشهاده من دناه المحتوم
شاله الشهيد احسين مخه صوبين
عريس يبني او عاجلك سهم البين
ما احلى شبابه عمه شوفي ارسومه
ياليت يومي صاير گبل يومه
عريس يا عمه شباب او محروم
لو شفتي يا عمه شبكاه المظلوم

من ضرب راسك سال مخك صوبين
عريس او مزفوف بالغاضريه
اولفها ابكفن والنور دم دسگيها
الموت الي من شوفتك بالغاضريه
والورد دمعي والگلب جمر ابخور
يحضر ازفافك يالولد بالغاضريه
او عباس ليش اتأخر ما جا او شافه
وانوار تسطع وانخسف بالغاضريه
وين الهواشم وينك يشْديد الباس
او لن الولي اينادي ضحايا الغاضريه
اتنادي ضحايا اعلى الأرض متكومه
عرّيس هذا اوزفته بالغاضريه
من سمع صوت احسين او سمع ونّه
أجلت عرسي باموت في الغاضريه
مثل الگمر وجهه شبيه المسموم
وانخسف نوره من وگع بالغاضريه
وامه او عروسه ينثروا دمع العين
حناك واخضابك ادموم الغاضريه
مثل الگمر وخضاب كفه ادمومه
اولا شوف جثته امگطعه بالغاضريه
زفوه بين ارماحهم وسط الگوم
شمعة شبابه وانطفت بالغاضريه