السيدة زينب سلام الله عليها
نعزي صاحب العصر والزمان والأمة الإسلامية وجميع المؤمنين بوفاة بطلة كربلاء أم المصائب زينب الكبرى
أم المصايب فگدت الأخوه ولولاد *** طلعت وحيده بالسبا اويا زين لعباد
مرت على الوالي طريح ابْحرّ لوهاد *** جسمه اموزع في أراضي الغاضريه
اصياح اولطم صارت تون كل النساوين *** من شافوا الوالي على التربان لحسين
صدره امهشم والجسد من غير تكفين *** نادت يخويه غيرتك ترضى عليه
اونادت يخويه ابرخصتك أنخى العباس *** واخبره اشسوت بالحرم زمرة الأرجاس
اولن الندا گطعو يديه او صابوا الراس *** اوصابوا اعيونه بالنبل يا هاشميه
نادت يخويه امدللـه واتضيعوني *** جاسم اولكبر وين يا گرة اعيوني
وين الهواشم هالعدى ما يرحموني *** بنت النبوه يالأخو صارت سبيه
كنت ابمعزتكم ولا دمعت اعيوني *** اوبعدك يخويه لو صحت لعدى اضربوني
امع السلامه اعلى العجف بيسيروني *** اوياليت ادفنك يالأخو عن هالرميه
اوراحت سبيه او ركبوها فوگ لجمال *** اوياها العليل امربطينه ابگيد وحبال
اوينفطر گلبه من يشوف النسا اولطفال *** والروس تتمايل ابروس السمهريه
مصطفى آل مرهون
