حوار الحوراء

چنت بحماك يا العباس مهيوبه
او تخليني وانا امن اعداي مسلوبه
وين الضيغم الباسل اليرعاني
أشوفك من رحت يعضيدي الثاني
تگلي الماي اجيبه واسگي الأطفال
تجيني لو يجيك احسين بالشيال
يگلها اشلون اجي يمچ دشوفيني
او چفوفي امگطعه او بلعمد صابوني
سهم للگربه يختي او سهم حگ عيني
او لولا القدر يختي حال ما دوني
سگيت الماي سكنه او شربت العيله
يربي اتعينها في امصايب الليله
تضيعوا امدللتكم بين هالعدوان
او يتامى احسين تبچي او عليته ابلحزان

ونا ابذمتك يا سبع الحرب مصحوبه
او ترضى يالوفي بسياط ايضربوني
أنِشدك ما تجي او تنظر الصيواني
انكسر ظهر الولي والعدى استولوني
وينك ما ارجعت يا خوي يا سردال
جاوبني تراني رفت اعيوني
او نور العين راح او سالت اعيوني
ولا تجوني ترى باموت عذروني
او شمالي راحت او من گبلها ايميني
سگيت الماي سكنه او ما تلوموني
لكن طحت يختي او گلّت الحيله
گالت آه خويه اشلون ترموني
بليا اخمار أبگى او حولي النسوان
او عليل امگيد او مسودّه امتوني