شلون ايهل امحرم او إنت مصاب *** بالكورونه او بعد ماكو اگرايه

هالمرض منحوس او من شكله خبيث *** هاللي صابك صاب ناس اهوايه

ادعو ربي امن المرض تشفى سريع *** او من عله المنبر تجيب اعزايه

شلون عيني اتشوف وامحرم گريب *** منته في المجلس تفسر آيه

يا عميد المنبر ابأرض القطيف *** يا نغم سمعي اللي صوتك نايه

تطرب اسماعي إذا تنعى الحسين *** وابو فاضل ذاكه راعي الرايه

گوم واخطب خلي دمعاتي تسيل *** منبرك عالي ابذرى لولايه

منبرك ميريد غيرك يبو احسين *** لن خطابك في المحرم غايه

يحفظك ربي واشوفنك خطيب *** كل سنه او نگصد الك مشايه

الشاعر: علي حسين الرضوان
1441 / 12 / 29